കേന്ദ്ര സര്‍ക്കാര്‍ സ്ഥാപനത്തില്‍ പ്രതിമാസം അന്‍പതിനായിരം രൂപയില്‍ കൂടുതല്‍ ശമ്പളം, പത്തു ലക്ഷം രൂപ മാത്രം.... ഉടന്‍ ബന്ധപ്പെടുക.....

1 .ദേശീയ പതാകയുടെ മുകളിലെ നിറമേത് ?

എ) സാഫ്രോണ്‍     ബി) പച്ച    സി) വെള്ള    ഡി ) നീല 

2 . ദേശീയ ഗാനം ഏത് ?

എ) വന്ദേമാതരം    ബി ) ജനഗണ മന    സി )സാരെ ജഹാം സെ അച്ഛാ 

3 . പാര്‍ലമെന്റ് അംഗത്തിന്റെ കാലാവധി ?

എ) 5 വര്‍ഷം ബി) 4 വര്‍ഷം സി ) 6 വര്‍ഷം ഡി ) 3 വര്‍ഷം 

4 . ക്രിക്കറ്റുമായി ബന്ധമില്ലാത്തതാര് ?

എ) സച്ചി ടെണ്ടുല്‍ക്കര്‍ ബി)കപില്‍ ദേവ് സി) സാനിയ മിര്‍സ ഡി) സുനില്‍ ഗവാസ്കര്‍ 

5 . ഇന്ത്യയുടെ റിപ്ലബ്ലിക് ദിനമെന്ന്?

എ) ജനുവരി 26 ബി)ആഗസ്റ്റ് 15 സി ) ഒക്ടോബര്‍ 2 ഡി)നവംബര്‍ 14 

6 . ഇന്ത്യയുടെ ആദ്യ വൈസ് പ്രസിടന്റ്റ് ?

എ ) ഡോ. എസ്. രാധാകൃഷ്ണന്‍ ബി) ഡോ .സക്കീര്‍ ഹുസൈന്‍  സി ) ജവഹര്‍ലാല്‍ നെഹ്‌റു ഡി) മഹാത്മാ ഗാന്ധി 

7 . ജവഹര്‍ലാല്‍ നെഹ്രുവിന്റെ ജന്മദിനം ?

എ) ഒക്ടോബര്‍ 2 ബി) ജനവരി 30 സി ) നവംബര്‍ 14 ഡി) ജനവരി 26 

8 . നാരങ്ങയില്‍ അടങ്ങിയിരിക്കുന്ന ആസിഡ് ?

എ) സിട്രിക് ആസിഡ്   ബി) അസ്കോര്‍ബിക് ആസിഡ്   സി ) നൈട്രിക് ആസിഡ്   ഡി) സള്‍ഫ്യൂരിക് ആസിഡ് 

9 . മനുഷ്യ ശ രീരത്തില്‍ എത്ര എല്ലുകള്‍ ഉണ്ട് ?

എ) 300   ബി) 432   സി)206  ഡി) 306 

10 . മനുഷ്യ ഹൃദയത്തില്‍ എത്ര അറകള്‍ ഉണ്ട് ?

എ) 3  ബി) 4  സി ) 2  ഡി) 5 

11 . ഒരു മീറ്റര്‍ എത്ര അടിയാണ് ?

എ) 3.90  ബി) 3.28 സി ) 4.50  ഡി) 3.50 

12 . യൂ പി മുഖ്യമന്ത്രി ?

എ) ഉമ്മന്‍ചാണ്ടി ബി ) മായാവതി സി ) ലാലു പ്രസാദ് യാദവ്   ഡി) മമത ബാനര്‍ജി 

13 . പിങ്ക് സിറ്റി എന്ന് അറിയപ്പെടുന്ന നഗരം 

എ) ഡല്‍ഹി   ബി) ബംഗളുരു സി ) ജയ് പൂര്‍  ഡി) കൊല്‍ക്കത്ത 

14 . നുണ കണ്ടു പിടിക്കാനുള്ള യന്ത്രം 

എ) ലാക്ടോ മീറ്റര്‍ ബി) തെര്‍മോ മീറ്റര്‍ സി ) പോളിഗ്രാഫ്  ഡി) സീസ്മോഗ്രാഫ് 

15 . കൂട്ടത്തില്‍ ചേരാത്തത് തിരഞ്ഞെടുക്കുക 

എ) എലി -പൂച്ച   ബി) സിംഹം - മാന്‍   സി) കീരി - പാമ്പ്   ഡി) ആന -ഒട്ടകം 

16 . A B യുടെ അച്ഛനും C യുടെ ഭര്‍ത്താവും ആണ്, അപ്പോള്‍ B യും C യും തമ്മിലുള്ള ബന്ധം ?

എ) അച്ഛന്‍   ബി) അമ്മ   സി) മകന്‍   ഡി) മകള്‍ 

17 . ഹുക്ക് വേം എന്താണ് ?

എ) ബാക്ടീരിയ   ബി) വൈറസ്   സി ) വേം   ഡി) ഫങ്ങസ് 

18 . നിര്‍ജലീകരണം സംഭവിക്കുന്നത്‌ എന്തുകൊണ്ട് ?

എ) ബാക്ടീരിയ മൂലം   ബി) വൈറസ് മൂലം   സി ) ശരീരത്തിലെ ജലം നഷ്ടപ്പെടുന്നത്  മൂലം  ഡി) പോഷകാഹാര കുറവ് മൂലം 

 ---------------------------------------------------------------------------------------------

  

അഞ്ചാം ക്ലാസിലെ ടെസ്റ്റ്‌ പേപ്പറിന്റെ ചോദ്യങ്ങള്‍ ആണ് എന്ന് ധരിച്ചു കളയല്ലേ.. .........മേല്‍ കൊടുത്തിരിക്കുന്ന ചോദ്യങ്ങള്‍ എല്ലാംESI കോര്‍പ്പറെഷന്‍  13 -11 -2011 ല്‍  നടത്തിയ വിവിധ പരീക്ഷകളില്‍ ചോദിച്ചവയാണ്. ആകെ (ഈ നിലവാരത്തില്‍ ഉള്ള) 100 ചോദ്യങ്ങള്‍, 2 മണിക്കൂര്‍ സമയം, നെഗറ്റീവ് മാര്‍ക്കില്ല

  

പരീക്ഷകള്‍ നടത്തിയത് സ്റ്റാഫ് നേഴ്സ് , മെഡിക്കല്‍ സോഷ്യല്‍ വര്‍ക്കര്‍, ലാബ് ടെക്നീഷ്യന്‍, നേഴ്സിംഗ് ഓഡര്‍ലി, ലാബ് അസിസ്റ്റന്റ്റ് എന്നീ തസ്തികകളിലേക്ക്. എല്ലാ പോസ്റ്റിലേക്കും ഒരേ ചോദ്യങ്ങള്‍. നേഴ്സിന്റെ സാലറി 9300 -34800 ഗ്രേഡ് പേ 4800 , ബാക്കി പോസ്റ്റുകള്‍ക്ക്‌ സാലറി 5200 -20200 (ഗ്രേഡ് പേ 2400 മുതല്‍ 4800 വരെ ). കേന്ദ്ര ഗവന്മേന്റ്റ് ജോലി, 20 വര്‍ഷം സര്‍വീസ് ഉണ്ടെങ്കില്‍ മുഴുവന്‍ പെന്‍ഷന്‍ കിട്ടും.   

----------------------------------------------------------------------------------------------

 ഈ പരീക്ഷ എഴുതേണ്ടി വന്ന ഹതഭാഗ്യവാന്‍മാരുടെ കൂട്ടത്തില്‍ ഞാനുമുണ്ട്.  ചോദ്യ പേപ്പര്‍ ക്ലാസ് റൂമില്‍ എത്തിച്ചപ്പോള്‍ തന്നെ പൊട്ടിച്ച നിലയില്‍ ആയിരുന്നു. പ്രാസം ഉണ്ടാക്കാം എന്ന് കരുതി തുറന്നു നോക്കിയപ്പോള്‍ ആണ് ഇത്തരം ചോദ്യങ്ങള്‍. അപ്പോള്‍ തന്നെ ഇതിനു പിന്നിലെ കളികള്‍ മനസിലായി. അത് കൊണ്ട് കൂടുതല്‍ തെളിവുകള്‍ കിട്ടിയിട്ട് പ്രതികരിക്കാം എന്ന് വിചാരിച്ചു മിണ്ടാതെ എക്സാം എഴുതി. എല്ലാവരും പ്രതീക്ഷിക്കുന്നത് പോലെ തന്നെ 100 മാര്‍ക്കും ലഭിക്കും. മള്‍ട്ടിപ്പിള്‍ ആന്സേഴ്സ് ഉള്ള ചോദ്യങ്ങളില്‍ ചോദ്യ കര്‍ത്താവ് ഉദ്ദേശിക്കുന്ന 'ശരിയുത്തരം' എഴുതാന്‍ കഴിഞ്ഞില്ല എന്ന് വെച്ചാലും 95 മാര്‍ക്കില്‍ കൂടുതല്‍ കിട്ടും. ആകെ ഉള്ളത് 2 വേക്കന്‍സി. പക്ഷെ രസം ഇവിടെ അല്ല. പോസ്റ്റിനു വേണ്ട ലേലം തുടങ്ങി കഴിഞ്ഞു. 10 ലക്ഷം രൂപ കൊടുത്താല്‍ ജോലി തരാമെന്നു ഒരു ഏജന്റു ഉറപ്പിച്ചു പറയുന്നു. ആരാണ് ഈ പോസ്റ്റ്‌ നല്‍കുന്നതെന്നും, ആര്‍ക്കു പണം നല്‍കിയാല്‍ ഈ ജോലി കിട്ടും എന്നും അവര്‍ പറഞ്ഞു. കഴിഞ്ഞ 3 വര്‍ഷമായി ESI ഹോസ്പിറ്റലില്‍ ഒരുമിച്ചു ജോലി ചെയ്യുന്ന വ്യക്തി എന്ന നിലക്ക് പറഞ്ഞു തന്നതാണ്. രാഷ്ട്രീയത്തിലെ ഉന്നതന്മാര്‍ വരെ ഉള്‍പ്പെടുന്ന ഈ ലോബിയാണ് ആര്‍ക്കു ജോലി കൊടുക്കണം എന്ന് തീരുമാനിക്കുന്നത്. വിശ്വസിക്കാന്‍ ആയി തെളിവുകള്‍ നിരത്തികൊണ്ട് പല പോസ്റ്റിംഗ് കഥകളും പറഞ്ഞു തന്നു. കയ്യില്‍ പണവും രാഷ്ട്രീയ സ്വാധീനവും ഉള്ളവന് ഒരു ജോലി കിട്ടാന്‍ കഴിവിന്റെ സഹായം ആവശ്യമില്ലെന്നു പിന്നെയും തെളിയുന്നു. ESI Act ഉം സോഷ്യല്‍ വര്‍ക്ക് പാഠങ്ങളും ഉറക്കമൊഴിച്ചു പഠിച്ചതെല്ലാം വെറുതെ .......

----------------------------------------------------------------------------------------------

ആരും തല്ലി കൊന്നില്ലെങ്കില്‍ ഞെട്ടിപ്പിക്കുന്ന കൂടുതല്‍ വിവരങ്ങള്‍ തെളിവുകള്‍ സഹിതം വെളിപ്പെടുത്താം.

- മലയാളനാട് എന്റെ വാര്‍ത്തകള്‍ക്ക് വേണ്ടി 

സൂരജ്